إختار صحابك من الشطرنج !!

بقلم - إيهاب محسن

وجود صديق حقيقي في حياة الإنسان ضروري جداً، حيث تعتبر الصداقة من أسمى العلاقات الإنسانية، خاصةً إذا كانت الصداقة قائمة على الصدق والوضوح والمحبة، ومن المهم أن يعرف الإنسان كيفية اختيار الصديق الذي سوف يقضي معه أوقاته، ويسلمه أسراره، وهناك العديد من العايير والأسس التي يمكن أن يعتمد عليها الإنسان في اختيار صديقه.

ويمكنك إختيار اصحابك من الشطرنج !!

الوزير ..

ودة صاحبك الجدع قوي اللي تلاقيه في اي وقت معاك وفي اي مكان جوة لعبة حياتك ممكن يتحرك !

الفيل ..

ودة صاحبك اللي ما تحتاجوش غير في دور معين في حياتك , ما بيعرفش يعمل غيره بس للاسف دايما ماشي بالعكس !

الحصان ..

ودة صاحبك الغتت اللي تلقاه ناططلك في كل حتة شوية وهما تلت حاجات بيعملهم

1 - معاك فلوس

2 - عايز اكل

3 - يلا ننزل

الطابية ..

ودة صاحبك اللي دايماً ماشي دوغري ولا بيهمه حد ولا حاجة.

وأخيراً العساكر ..

ودول بقا الناس اللي بتلاقيها صدفة في حياتك وتختفي، وكل دورها انها اتوجدت في اللعبة عشان تموت، يا اما فجأة تلاقي واحد منهم اترقي وبئة حاجة من اللي اتكلمنا عنهم.

لازم تبقي عارف ان كل واحد في حياتك ليه دوره اللي عمره ما يقدر يغيروا يعني لو طلبت حاجة من حد وكسفك ما تزعلش منه ازعل من نفسك لانك حطيت حد يلعب دور مش دوره ينفع مثلا تحط عسكري مكان وزير ولا طابية مكان فيل ؟؟؟

رتبهم صح فى حياتك، وساعتها حتي لو خسرت حد منهم مش هتزعل أوي ... لأن اللعبة لو مفيهاش خسارة مكنش حد هيكسب.