تلغراف إلى طالب ثانوي

     يرسله / رؤوف قنش

■ طالب ثانوى
كنا بننقل من الملزمة عادى مافيش مشكلة ، بنعتمد على الزملاء الأخرين ، وريها البرشام اللى كنا بننقل منه ياعصام ، انا اصلا مش عارف اذا كان الإمتحان سهل ولا صعب انا نقلت وخلاص ، انا ماكنتش بحضر الجيولوحيا دى ولا اعرف حتى اسمها ، الأغانى اللى بسمعها فرتكة فرتكة واغانى المهرجانات ، ده ملخص فيديو انتشر على مواقع التواصل الإجتماعى وما جاء على لسان طالب فى الصف الثالث الثانوى وان كنت اشك انه طالب فى الأصل ويبغى من كلامه هدم منظومة التعليم والهدف من كلامه هدم فى كيان الدولة ، للأسف تكلم بمنتهى الإرتياحية والهدوء دون ضغط وبدون ادنى مسئولية ، ووصف الإمتحان بأنه ( مش عارف اذا كان سهل ولا صعب ) معنى كده ان هذا الطالب لم يذاكر ولم يبالى ولم يهتم بنفسه ولا اهله فى حساباته ، ومش واخد باله اصلا ان فيه تعليم وعلسان كده اتكلم بمنتهى ( قلة الأدب ) للأسف المراقبة من خلال اسرته سيئة وتبين لى من خلال الفيديو وأشك ان الإبن هو المسيطر على الأسرة ، والأسرة مش على باله علشان كده الطالب ده طلع يقول الكلام السلبى ده ، ولى الأمر اللى دفع فلوس للدروس الخصوصية اخبارها ايه !! عن اذنك يابابا انا رايح اذاكر عند صحابى وهنسهر نذاكر للصبح ، اخبار الليالى ايه !! الغريب فى الفيديو لقيت تعليقات بتأيده وبتنتقد منظومة التعليم ويتهمونها بالفشل ويقولوا ان الطالب ده عنه حق ، واخر يعلق ويصف الطالب بالشجاع وهو ده اللى بيحصل فعلا والطلبة بيغشوا من بعض والمراقبين واقفين عادى ، للدرجة دى يا جماعة الطالب بقى اقوى من المدرس عايز اعرف الطالب جاب القوة دى منين واذا كان ده حال المدرس مين وصله للمرحلة الرديئة دى ، للأسف هذه النماذح السيئة من نوعية هذه الطلبة تأخذنا لمنعطف خطير وتنبئ بحدوث كوارث لا يعلم مداها الا الله ، بعد ما قرأتم التلغراف ده عايز اعرف إحنا رايحين فين !!!